Толқын жүн түту цехын ашты
Отырар ауданы Маяқұм ауыл округінде дүниеге келген Камал Толқын Талғатқызы жеке кәсіпкерлікпен айналысады. Ол «Uly Dala» ассоциациясы ұйымдастырған «Zhas Project 2024» жобасының грант иегері атанды. Кейіпкеріміз аталған жоба аясында «Жүн түту» цехы бағытында грант жеңімпазы атанып бүгінде өңделмейтін төрт түлік малдың жүнін және мақтаны түтетін аппарат сатып алып өз үйінен жүн түту шеберханасын ашып ауылдастарына қызмет көрсетуде.
Іскер жас алдағы уақытта өзінің кәсібінің көкжиегін кеңейтпек ниетте.
Ол өзі секілді барша жастарды қолдау мақсатында мемлекет тарапынан көрсетіліп отырған мүмкіндіктерді пайдалана отырып,кәсіп ашып сол кәсіптің нәсібін көруге шақырады.
Айта кетейік, Қазақстанда жастар корпусын дамыту жобасын Білім және ғылым министрлігі 2016 жылдан бері жүзеге асырып келеді. Жобаның басты мақсаты – материалдық және моральдық тұрғыдағы осал жастарды дамыту және оларға қолдау көрсету. Бүгінде жобаға қатысқан жастар өздерінің әлеуметтік жобаларын жүзеге асыруды үйренді. Аталған жобаға қатысқан жастар оқуды табысты аяқтауда. «4 жыл ішінде екі мыңнан астам әлеуметтік жоба жүзеге асырылды, оның 20 пайызы ауылдық жерлерде, 20 пайызы білім беру мақсатында болды» дейді сала мамандары. Жобалардың басым бөлігі әлеуметтік салаға дамытуға арналуда. Сонымен қатар, ауылдық жерлерде өте маңызды тілдік курстар, компьютерлік клубтар іске қосылды, ет және сүт өндірісі, тамақ өнеркәсібі құрылды, сұлулық салондары, тігін салондары да ашылды, мұның бәрі жастарға өз жобаларын жүзеге асыруға және бизнесін жалғастыруға мүмкіндік беруде.
Қысқасы, Zhas Project мемлекеттің кейбір стратегиялық міндеттерін шешу үшін бірнеше тапсырмаларды іске асыруда. Олар жастарды және олардың волонтерлік қызметке қатысуын дамытуға, қоғамдастықтың өмірі үшін жауапкершілікке және мектепті аяқтап, мамандық таңдау кезінде дұрыс шешім қабылдауды үйретуге бағыттай бастады. Мәселен, жоба барысында NEET санатындағы жастармен жұмыс жөніндегі нұсқаулықтар, жастарды дамыту индексі, волонтерлік қызметті дамыту стратегиясы, кәсіптік бағдарлау жүйесін дамыту жөніндегі әдістемелік ұсынымдар және басқа да құжаттар әзірленді. Жалпы аталмыш жоба Мемлекеттік жастар саясатының қажеттіліктерін қанағаттандырып қана қоймай, оның дамуына, жастармен жұмыс істеуде және тәсілдер мен шаралардың пайда болуына ықпал етті деуге болады.
Айта кетейік, жастардың осал топтары арасында жүзеге асырылған шағын гранттар бағдарламасына былтыр облыс бойынша 143 өтініш түсіп, ережеге сай келген 61 жоба техникалық іріктеуден өткізілген. Содан соң келесі кезеңге өткен жастар 3 күндік семинар-тренингте білім алып, соңғы комиссия отырысында өз жобаларын қорғаған 30 үміткердің 20-сы 1 млн. теңгелік грантқа ие болды. Облыстық «Жастар ресурстық орталығы» басшысының орынбасары Пердебек Есқұловтың айтуынша, биыл «2021-2025 жылдары кәсіпкерлікті қолдауға арналған Ұлттық жобасы» аясында өңірдегі 600-ден астам жасқа 2,5 пайызбен 5 000 000 теңгеге дейін несие беру жоспарланған.
