КЕНТАУДА БАТА БЕРУДЕН ОБЛЫСТЫҚ ЖАРЫС ӨТТІ

Кентау қаласының 70 жылдығына орай Ш.Қалдаяқов атындағы мәдениет сарайында «Баталы елге бақ қонар» атты облыстық байқау өтті. Шараға аудан-қалалардан 17 қария қатысып, 3 кезең бойынша бақ сынасты. Бата өнерін насихаттау мақсатында өткен жарыста қатысушылар батаны жатқа айтып әрі салт-дәстүрге қатысты сұрақтарға жауап берді. Сонымен қатар, ақсақалдардың сөз саптауы мен сыртқы киіміне де қосымша баға берілді.

Нәтижесінде бас жүлдені шардаралық Қыстау Ілесов жеңіп алды. Жүлделі 1-орынды саурандық Өтеген Әшенов, ал 2-орынды Кентау қаласынан келген Әбілда Қанай мен Түркістан қаласынан Тәліп Бейсебайұлы иеленді. Сондай-ақ, 3-орынға жетісайлық Талдыбай Асылбеков, қазығұрттық Сатыбалды Бердияров, созақтық Өтепбай Имашов ие болды. Жарысқа қатысып, жүлделі орын алғандарға ақшалай сыйлықтар табысталды.

Түркістан облысының Өңірлік коммуникациялар қызметі