Колледжде қыздарға арналған жиын өтті
Түркістан облысы қоғамдық даму басқармасының «Жастар ресурстық орталығы» КММ-нің ұйымдастыруымен қазіргі таңдағы өзекті мәселелердің алдын алу бойынша және репродуктивті денсаулықты сақтау мақсатында «Қыз бала-ұлттың ұяты, халықтың шырайы» атты тақырыбында арнайы мамандармен кездесу өтті.
Түркістан Ахмет Ясауи кәсіби колледжінде өткен кездесуге жалпы тәжірибелі дәрігер, врач-резидент, радиолог Батырхан Нұрсәуле Оразханқызы, «Қоғамдық даму және психологиялық көмек көрсету» бөлімінің психологі Өміртаева Жансая Ержанқызы қатысты.
Кездесуде қыздарға қатысты сақталуы керек гигиеналық талаптар мен түрлі тақырыптар төңірегінде әңгіме қозғалып, кеңес берілді.
