Жетісай ауданындағы елдімекендер 100 пайыз ауыз сумен қамтылған

Жетісай ауданындағы  қала, кент және ауылдық округтерге қарасты 105 елді мекен толық орталықтандырылғын ауыз су құбырымен қамтылған. Халық саны бойынша 100% құрайды.

Былтыр ауыз су құрылысын жүргізуге және ағымдағы жөндеу жұмыстарына 3,3 млрд.теңге қаржы қарастырылып, 1 нысан пайдалануға берілген болатын. Ал, Қазыбеки би, Жаңаауыл, Ж.Ералиев ауылдық округтеріндегі құрылысы жүріп жатқан ауыз су нысандары осы жылға өтпелі.

Биыл 3 ауыз су нысанына 1,2 млрд. теңге қаржы қарастырылған болатын. 2024 жылдың тамыз айына дейін 3 нысан пайдалануға беру жоспарлануда. Солардың бірі Жаңа ауыл ауыл округі Жаңа ауыл, Қарой, Ынтымақ, Атаконыс елді мекендерін сумен жабдықтауды мердігер мекеме «Арай-нс» ЖШС-і өз мойнына алған. Құрылыс жұмыстарының сметалық құны – 3,5 млрд.теңге. Бөлінген қаржы – 1,12 млрд.теңге. Халық саны – 12437. Ал, Қазыбек би ауылдық округінің Құрбан ата елді мекенінің ауыз су жүйелерін қайта құруды мердігер мекеме «Еxclusive stroy corporation» ЖШС-і қолға алған. Құрылыс жұмыстарының сметалық құны – 481,0 млн.теңге. Бөлінген қаржы – 46,8 млн.теңге. Халық саны – 2678. Сонымен қатар, Ж.Ералиев ауылдық округінің Сейфуллин елді мекенінің ауыз су жүйелерін қайта құруды мердігер мекеме «Еxclusive stroy corporation» ЖШС-і қолға алған. Құрылыстың сметалық құны – 692,5 млн.теңге. Бөлінген қаржы – 67,6 млн.теңге. Халық саны – 1967.

Бұдан бөлек 10 елді мекеннің ауыз су жүйесіне жобалау-сметалық құжаттамалар әзірленуде. Атап айтар болсақ, олар: Алпамыс, Достық, Қызылтаң, Сайлау, Зерделі, Абай, Ғ. Мұратбаев, Қосқұдық, Таубай ата, Алмалы елді мекендері.

Жалпы облыста елді мекендерді инфрақұрылыммен қамту, ауыз су, газ құбыры жоқ ауылдардың мәселесін шешуге басымдық берілуде.