Түркістан облысында 2 — 4 жас аралығындағы балаларды қосымша жаппай иммундау жұмыстары аяқталды

Түркістан облысында ҚР Бас мемлекеттік санитариялық дәрігерінің  6-10 айлық және  2-4 жастағы  балалар арасында қосымша жаппай иммундау жүргізу туралы қаулысына сәйкес, тиісті жұмыстар атқарылды. Өңірде жоспарланған 2 — 4 жас аралығындағы 134 800 баланың   қосымша жаппай иммундау шеңберінде 138 666 бала қызылшаға қарсы иммундаудан өтті.  Жоспар 102,9%  орындалды. Осылайша бүгін 2 — 4 жас аралығындағы  балаларды қосымша жаппай иммундау жұмыстары аяқталып, эпидемиологиялық жағдай тұрақтанғанға дейін 6-10 айлық балалар арасында егу жұмыстары жалғасатын болады.

Облыста қараша, желтоқсан, қаңтар айларында қосымша жаппай иммундаудың белсенді  жүргізілуінің себебінен 2024 жылдың басынан қызылша инфекциясы  бүгінгі күнге 57,8% төмендеді.