Жолдау жүктеген міндет: Төлеби ауданында жаңа көпір ашылды
Төлеби ауданының Ханарық елді мекенінде көптен күткен жаңа көпір пайдалануға берілді. Құрылысы 2018 жылы басталған бұл маңызды инфрақұрылымдық нысан мердігер мекеменің қиындықтарына байланысты ұзаққа созылғанымен, ақыры ел игілігіне тапсырылды. Көпірдің ашылу салтанатына Қазақстан Республикасының Сыбайлас жемқорлыққа қарсы іс-қимыл Агенттігінің Түркістан облысы бойынша департаменті басшысының бірінші орынбасары Ермек Сұлтанқұлов арнайы келіп, тұрғындардың қуанышына ортақтасты.Аудан әкімі Еркеғали Әлімқұлов оның ауыл өміріне тигізетін зор пайдасын айтады. Ол бұл нысан Ханарық ауылы мен бүкіл өңірдің дамуына оң әсер етеді деген сенімін білдірді.Балдыберек өзені бойына салынған ұзындығы 42 метр, ені 10 метр болатын көпір 250 тұрғын үйі бар тасарықтық елді мекеннің 2 мыңға жуық тұрғынының қауіпсіздігін қамтамасыз етіп, күнделікті тұрмысын айтарлықтай жеңілдетеді. Құрылыс жұмыстары «АВС Group KZ» ЖШС мердігерлік компаниясы тарапынан облыстық бюджет есебінен жүзеге асырылды.Аудан басшысы Еркеғали Амантайұлы құрылыс компаниясы қызметкерлеріне, жауапты мамандарға және белсенді азаматтарға алғысын білдіріп, олардың атқарған еңбегін жоғары бағалады. Бұл жобаның жүзеге асырылуы – Мемлекет басшысының жыл сайынғы Жолдауларында, бастамаларында және елдің дамуына бағытталған мемлекеттік бағдарламаларда көрсетілген мақсаттардың нақты нәтижесі.
Түркістан облысында мемлекеттік органдар мен жергілікті өзін-өзі басқару ұйымдарының бірлескен жұмысы арқылы халықтың әл-ауқатын арттыруға бағытталған осындай жобалар тұрақты түрде жүзеге асуда. Бұл көпірдің ашылуы – тек қана тұрғындардың күнделікті өмірін жақсартуға бағытталған маңызды қадам ғана емес, сонымен бірге облыстағы сыбайлас жемқорлыққа қарсы тиімді бақылаудың, жауапкершіліктің және ашықтықтың жемісі. Осындай сенімділік пен ынтымақтастық арқасында өңірде инфрақұрылымдық жобалар сапалы әрі уақытылы жүзеге асуда. Алдағы уақытта да Түркістан облысының дамуына үлес қосатын осындай стратегиялық нысандардың саны артып, халықтың өмір сапасы одан әрі жақсара түседі деген сенім мол. Мемлекеттік органдар мен жергілікті билік бірлесіп, халықтың қажеттіліктерін бірінші орынға қойып, заманауи инфрақұрылымды дамытуға үлкен мән беруде. Ханарықтағы көпір тұрғындардың қауіпсіздігі мен қолайлылығын қамтамасыз етіп, ауыл мен аудан арасындағы байланысты нығайту арқылы елді мекеннің дамуына тың серпін береді. Сонымен қатар, мұндай жобалар аймақтың инвестициялық тартымдылығын арттырып, жаңа жұмыс орындарын құруға, тұрғындардың тұрмыс сапасын жақсартуға ықпал етеді. Түркістан облысында Мемлекет басшысының бағдарламалары мен Жолдауларында белгіленген міндеттер аясында инфрақұрылымдық жобаларды сапалы және ашық жүзеге асыру арқылы елдің тұрақты дамуы қамтамасыз етілуде. Бұл бағыттағы табыстар болашақта да халықтың әл-ауқатын арттыру мен өңірді нығайтуға негіз болары сөзсіз.
