Полиция жұмыс орнында ұрлық жасаған күдіктіні анықтады

Кентау қалалық полиция бөлімінің қызметкерлері жедел-іздестіру іс-шараларын жүргізу кезінде ұрлық қылмысын жасады деген күдікпен 24 жастағы жігітті құрықтады. Анықталғандай, түнгі кезекшілікте болған кезде күдікті өзі жұмыс жасайтын кәсіпорында су монометрінің 9 данасын жымқырып кеткен. Яғни ол ұрланған заттарды сатып, одан пайда көрмек болған.

Полицейлер күдікті жігіттен айғақты заттарды тәркілеп алды. Қазіргі таңда ер адамға қатысты сотқа дейінгі тергеп-тексеру амалдары жүргізілуде.