«Бүгінгі әйелдер саяси мәселелерге белсене араласады»

Түркістан облыстық ҚХА жанындағы Сауран аудандық аналар кеңесі «Киіз басу өнері-көшпенділер мұрасы» атты тақырыпта киіз басудан өзара сайыс өткізді. Тәрбиелік мәні жоғары әрі салт-дәстүрді дәріптеуге таптырмайтын бұл іс-шара облыс көлемінде елдің  қызығушылығын оятты.Үш топқа бөлінген аналар текемет басып қана қоймай,жастарға дәстүрлі қазақы қоғамында кеңінен тараған ою -өрнекпен өрнектелген киіз дайындау әдістерінің қыр сырын көрсете білді. Ассамблея жанындағы аналар кеңесінің негізгі міндеті отбасы және ана институттарын нығайту арқылы қоғамдық келісім мен ел бірлігін қамтамасыз ету, рухани-мәдени бірегейлікті қалыптастыру,этносаралық келісімді ұрпақтар сабақтастығын, ұлттық дәстүрлер мен отбасылық құндылықтарды нығайту, жастармен, жалғызбасты, көпбалалы аналармен оларды мейірімділікке, үлкендерге құрмет көрсетуге тәрбиелеу.

Қазіргі біздің қоғамымызда әйел тек отбасының береке-бірлігін ойлайтын тұлға ғана емес, ол мемлекеттің өмірге және саяси мәселелерге белсене араласатын қоғам мүшесі, біртұтастығымызды сақтаушы күш екендігі белгілі.

Ауылдық округтердегі Аналар кеңестерінің ұйымдастыруымен «Ибалы келін»,»Ене мен келін», «Отбасы-ұлт тірегі» байқауларын, аудандағы Ескі Иқан, Жаңа Иқан ауылдарында «Қыз ақылды ескермес-ана үлгісін көрмесе», «Қыз қылықты көрінер қылығымен», «Үлкендер жолы- ұлылық, ұрпағы жүрер ұғынып» атты тақырыптарда жоғары сынып қыздары мен ұлдары  арасында аналардың, әкелер мектебінің қатысуымен ақыл-кеңестер айтылды. Соңынан ұршық иірудің қыр-сырларын көрсетіп, қыздардың қызығушылықтарының артқанын көріп еңбегіміздің еш кетпегеніне қуандық.

 Жұманова Нышанкүл Абылайқызы,

Түркістан облысы  ҚХА  жанындағы

Сауран аудандық аналар кеңесі төрайымы