Бәйдібектік полицейлер балаларға базарлық жасады

Жаздың алғашқы күні «1 маусым – Халықаралық балаларды қорғау» күніне орай Бәйдібек аудандық полиция бөлімі мен Жастар орталығының қызметкерлері бірлесіп, кішкентай бүлдіршіндерге «Тәуелсіздік алаңында» мерекелік іс-шара ұйымдастырды. Іс-шарада Бәйдібек ауданының балабақша бүлдіршіндері әсем ән салып, керемет би биледі.

Ал полицейлер балаларды төл мерекелерімен құттықтап: «Болашақ ұрпақ әрқашан бейбітшілікте өмір сүруіне және елін, жерін қорғайтын азаматтар болып өсуіне тілектеспіз!»-деп ыстық лебіздерін жеткізді. Сондай-ақ балаларға арналған балмұздақтарын таратты.