ТҮРКІСТАНДАҒЫ ОБЛЫСТЫҚ ТАРИХИ-ӨЛКЕТАНУ МУЗЕЙІНДЕ БАЛАЛАРДЫ ҚОРҒАУ КҮНІНЕ ОРАЙ ІС-ШАРА ӨТТІ

1 маусым – Халықаралық балаларды қорғау күніне орай Түркістан облыстық тарихи-өлкетану музейінде ерекше шара өтті. «Қазақстан балалары» тұжырымдамасы аясында ұйымдастырылған «Әкем – тірегім, анам – жүрегім» атты іс-шара барысында балаларға арналған шығармашылық көрмелер, танымдық кездесулер мен музейге саяхаттар ұйымдастырылды.

Шараның басты қонағы – елімізге белгілі режиссер, сценарист, «Құрмет» орденінің иегері, ҚР Мәдениет қайраткері, «САҚ» киностудиясының өкілі Батырхан Дәуренбеков. Ол балалармен «Тәрбие – тал бесіктен» атты тағылымды кездесуде тәрбие мен ұлттық құндылықтар жайында ой бөлісті. Сондай-ақ, шараға белгілі драматург Сая Қасымбек қатысып, балаларға арманға ұмтылу, Отанды сүю, рухани тәрбие мен салт-дәстүрді бойға сіңіру туралы өмірлік ақыл-кеңестерін айтты. Кездесу жас буынның бойына ұлттық рух, мәдени құндылықтарды сіңіруге бағытталған, әсерлі де мазмұнды кездесу ретінде есте қалды.

Түркістан облысының Өңірлік коммуникациялар қызметі