ТҮРКІСТАН: ШАРДАРАДА ҚАЗАҚ КҮРЕСІНЕН «ОҢТҮСТІК ҚАЗАҚСТАН» ГАЗЕТІНІҢ ДӘСТҮРЛІ ТУРНИРІ БАСТАЛДЫ

Шардара ауданында қазақ күресінен облыстық «Оңтүстік Қазақстан» қоғамдық-саяси газетінің дәстүрлі турнирі өтіп жатыр. Жыл сайын жалауы желбірейтін бозкілемдегі бәсеке биыл 62-рет ұйымдастырылып отыр. Турнирдің ашылу салтанатына облыстық «Оңтүстік Қазақстан» қоғамдық-саяси газетінің директор-Бас редакторы Абай Балажан, облыстық дене шынықтыру және спорт басқармасының басшысы Ғалымжан Худияров пен Шардара ауданының әкімі Арман Қарсыбаев арнайы қатысып, балуандарға сәттілік тіледі.

Дүбірлі додада өңірдің түкпір-түкпірінен келген ең мықты деген 100-ден астам балуан өзара күш сынасуда. Түйе балуан сайысының жеңімпазы жарыстың бас бәйгесі автокөлікке ие болады. Жалпы турнир – ұлттық спортты дәріптеуге, бозкілем бәсекесінде өңірдің ең таңдаулы балуандарын анықтап, қазақ күресі әдістерінің үлгілерін көрсетуге бағытталған.

Түркістан облысының Өңірлік коммуникациялар қызметі